بعد قرار البنك المركزي بخفض سعر الفايدة، الناس كلها بتسال هل حسابات التوفير أفضل ولا شهادات الأدخار هيا الاجسن في العائد.. واية مميزات وعيون كل حساب فيهم.مع إعلان البنك المركزي المصري خفض أسعار الفائدة بواقع 100 نقطة أساس وقبلها قرار خفض اسعار الفايدة 225 نقطة اساس، والقرارات دي خلت المواطنون والمستثمرون عندهم أسئلة كتيرة عن أفضل الخيارات الادخارية خصوصا في ظل التغيرات الاقتصادية الموجودة حاليا.طيب ايه هيا افضل الخيارات الادخارية الموجودة والمنتشرة حاليا في مصر؟.في نوعين من الأوعية الأدخارية منتشرين وعليهم اقبال كبير جدا في مصر وهما حسابات التوفير وشهادات الادخار وطبعا كل واحد فيهم له مميزاته وعيوابه، أول حاجة معانا النهاردة هيا حسابات التوفير واللي بتعد الخيار المفضل للعملاء اللي عايزين سيولة عالية ومرونة في إدارة الأموال، وبتقدم حسابات التوفير أسعار فائدة بتتراوح بين 8% و22.5% سنويا وده علي حسب الرصيد ودورية صرف العائد.حسابات التوفير بتقدم للعملاء عدد كبير من المميزات أولها أن العميل يقدر يسحب ويودع في أي وقت وبدون اي قيود، وده بيخلي حسابات التوفير مثالية لتغطية النفقات اليومية أو الطارئة، والعميل يقدر يفتح حسابها بمبالغ صغيرة ممكن تبدأمن 100 إلي 3000 جنيه، ده غير أنها بتيح إمكانية إصدار بطاقات خصم أو ائتمان والتعامل بيها بيكون من خلال الصرافات الآلية والإنترنت البنكي.اما عن عيوب حسابات التوفير، فيها أنها بتقدم عائد متغير لأنها غالبا مرتبطة بسعر الكوريدور للبنك المركزي وده بيعني انخفاضها مع خفض الفائدة، وعوائدها بتكون اقل مقارنة بشهادات الادخار.نروح بقي لشهادات الادخار واللي بتعد الخيار الأمثل للعملاء اللي عايزن يستثمروا فلوسهم لفترات طويلة مع ضمان عائد ثابت أو متغير، وعيوبها أنها عليها قيود في السحب، والعميل ميقدرش يسترد الشهادة قبل 6 شهور من فتحها، وبيترتب على الاسترداد المبكر خصم بيوصل لـ 60% من الفوائد.طيب اية الافضل هل حساب التوفير أفضل أم شهادة الادخار؟لو انت واحد بتدور علي المرونة، فحسابات التوفير هتكون هيا الخيار الأنسب، خصوصا لو العميل عايز يوصل لفلوسه بسهولة، أما لو العميل عايز عائد مرتفع ومستقر، فشهادات الادخار ذات العائد الثابت هتكون هيا الخيار الأفضل .
