يا ترى إيه هو برنامج رد أعباء التصدير الجديد اللي الحكومة أصدرته من كام ساعة، إزاي هيدعم صادراتنا للخارج، وهل الدولة فعلا بدأت تشتغل على تصدير الإنتاج المحلي بشكل ينافس بره، طب المواطن البسيط هيستفيد منه إيه؟من كام ساعة، الحكومة المصرية أعلنت عن تفاصيل برنامج اسمه رد أعباء التصدير الجديد لسنة 2025-2026، ودي أول مرة تحصل إن البرنامج يتعلن قبل بداية السنة المالية.والكلام ده معناه إن في نية لدعم التصدير بكل جدية، وتعزيز صادراتنا للخارج ومش بس كده، لأ وكمان فتح أسواق جديدة للمنتجات المصرية بره.هنقولك يعني إيه رد أعباء التصدير، واللي هو ببساطة كده إن الدولة بتدي دعم مادي للمصدرين المصريين، عشان يساعدهم يغطوا تكاليف زي الشحن او مدخلات الإنتاج، ويقدروا ينافسوا بره مصر بأسعار كويسة.وهنا، المواطن البسيط هيقدر يستفيد كتير جدا، وأول حاجة هي إن هيتم تشغيل مصانع أكتر وتوفير فرص عمل للشباب، وكمان لما التصدير يزيد فالمصانع بتوسع إنتاجها وكمان عملة صعبة هتخش البلد بالدولار واليورو وبالتالي زيادة الاحتياطي النقدي، وبالتالي هيستقر الجنيه داخل مصر ومش هيحصل تضخم او ارتفاع أسعار.كمان، هيتم توفير فرص عمل أكتر لشباب كتير، ولما التصدير بيزيد غي عملة صعبة بتخش أكتر للبلد،وده بيقلل الضغط على الجنيه، وبالتالي الأسعار تهدى زي ما قولنا.ومش بس كده، ده إنتاج المصانع هيتم توفير منتجات منها للسوق المحلي، وبالتالي لما المعروض يزيد الأسعار بتنزل، يعني المواطن ممكن يلاقي المنتج المحلي بجودة كويسة وسعر معقول.وبرضو كل ده بيدعم للصناعات المهمة، زي الصناعات الغذائية والملابس والصناعات الكيماوية وصناعة الدواء وكل حاجة لها علاقة مباشرة بالمستهلك العادي.ومن ضمن المزايا، جذب استثمارات لمصر، يعني لما المستثمر يشوف إن في دعم حكومي للصناعة والتصدير، فده بيشجعه يضخ فلوسه في البلد، يعني مصانع جديدة بتفتح ومشروعات أكتر بتتوسع، وبالتالي الشباب يشتغل والفلوس تكتر والأسعار كمان ترخص.
