مصر هتبقى زي الصين وهتصنع كل حاجة وهتبقي مركز إقليمي لكل الصناعات.رجل الأعمال أحمد السويدي ودا من أقطاب الصناعة في مصر خرج في تصريحات وقال إنه متفائل جدا با لـ10 سنين الجاية في مصر وأن هناك معدلات نمو جيدة في قطاعات السياحة والزراعة والصناعة وقال كمان إن مصر هتبقى الصين في المنطقة الفترة الجاية وهتقوم بجذب للصناعات في أكتر من مجال بما فيها المجالات المتعلقة بالذكاء الاصطناعي والتكنولوجيا.ليه السويدي قال كده وهل كان بيبالغ؟الحقيقة كل كلمة قالها رجل الأعمال في محلها ودا اللي أكدت عليه بردوا مؤسسات مالية عالمية واللي اتوقعت إن مصر هتكون وحش صناعي ولوجستي وتجاري مش في المنطقة بس لكن في العالم كله وانها هتحتل المركز السابع عالمياً في ترتيب اقوى اقتصاديات العالم.. طبعا المؤسسات المالية الدولية مش بتقول اي حاجه وخلاص لكن دي بتتكلم بناء على أرقام وبيانات دقيقة ومؤشرات اقتصادية ومعدلات النمو وخريطة الاستثمار والحوافز اللي بتقدمها الدولة للمستثمرين بجانب الموقع الجغرافي المتميز والبنية الأساسية الحديثة.وبناء على كل المؤشرات دي مصر بتنطلق بشكل غير مسبوق في الاقتصاد القائم على التصنيع بأنواعه وعلى التصدير وعلى المواني واللوجستيات وخطوط التجارة العالمية وعلى السياحة وعلى قناة السويس وعلى تحويلات المصريين بالخارج وعلى سوق الاستثمارات وعلى حاجات تانيه كتير قدرت الدولة تحقق فيها طفرات ضخمة والتوقعات بتقول إن كل القطاعات الاقتصادية دي هتستمر في النمو وجذب مليارات الدولارات خاصه في السياحة وفي الاستثمارات وتوطين الصناعة الحديثة وزيادة الرقعة الزراعية بشكل غير مسبوق في تاريخ مصر.وعلى سبيل المثال قطاع الاستثمار الدولة أعلنت عن خطة لجذب اكتر استثمارات من 300 مليار دولار في قطاعات واعدة زي الطاقة والصناعة والزراعة والسياحة وغيرها ودي خطة قابلة للتنفيذ على أرض الواقع مش احلام لان السوق المصري بقي واعد بالفرص الاستثمارية وبيتحول يكون قاعدة صناعية ضخمة في كل المجالات على نفس خطة نهضة الصين إقتصاديا واللي بدأت بتصنيع كل شيء ممكن تتخيله واستغلال توافر المواد الخام والقوة البشرية في التصنيع وغزو الأسواق العالمية بسلع رخيصة وجودتها عالية ودا خلاها وحش اقتصادي وسهل جدا مصر تنفذ خطة مشابهة وتبقي صين الشرق الأوسط وأفريقيا.
