علي مدار سنين طويلة ومصر كان عندها مشكلة في توفير الدولار اللازم للاستيراد.. ياتري ازاي الدولة حلت المشكلة دي.. وهل مصر وصلت لمرحلة الاكتفاء الذاتي من العملة الخضراء اللي محتاجينها للاستيراد وامتى هنوصل لمرحلة تحقيق اكتفاء ذاتي من الإنتاج المحلي.السنين اللي فاتت كان الاستيراد جزء اساسي من الاقتصاد المصري خصوصا أن الإنتاج المحلي كان اقل بكتير من الاكتفاء الذاتي وعلشان نكفي حاجة المواطنين كان لازم نفتح الاستيراد خصوصا ان الناس عندها احتياجات ولازم الحكومة توفرها علشان نعوض انخفاض وغياب الانتاج في سلع وحاجات كتيرة المواطن المصري محتاجها.الفترة الرئاسية الجديدة للرئيس عبد الفتاح السيسي غيرت الفكر اللي كانت الحكومة شغاله بيه علي مدار السنين اللي فاتت، والتركيز كله حاليا علي وقف استنزاف الدولار، والبدء في التصنيع وزيادة الإنتاج المحلي والعودة للتصدير، وعلشان نمشي ح الحكومة حطت استراتيجية كبيرة للنهوض بالصناعة المصرية والهدف الاساسي والرئيسي منها هو تحويل مصر لمركز اقليمي للصناعة وزيادة الصادرات وتحقيق 140 مليار دولار كايرادات من الصادرات في 2030.الحكومة بدأت تنفذ بنود الاستراتيجية المحلية للنهوض بالصناعة بتكلف ملف الصناعة لواحد من إكفي موظفي الحكومة وابن من ابناء المؤسسة العسكرية واللي معروف عنها الالتزام والانتاج وهو الفريق كامل الوزير، ده أنه تم تشكيل لجنة وظنية برئاسة الدكتور مصطفي مدبولي رئيس مجلس الوزراء وعضوية عدد كبير من الوزراء، وهدف اللجنة دي هو بحث مشاكل المصانع وحلها وبحث خطوات اعادة تشغيل المصانع المتوقفة عن العمل واعادة تشغليها من جديد، خصوصا أن مصر علي مدار السنين اللي فاتت كان عندنا عدد كبير من المصانع اللي للاسف توقف عن العمل لاكثر من سبب اهم نقص المواد الخاص ومشاكل إدارية وتراخيص، ونقص بنية تحتية وحاجات تانية كتيرة كان سهل حلها، ولكن الروتين الحكومي كان سبب في توقفها لسنة ورا التانية وكان السبب الاساسي في تطفيش عدد كبير من المستثمرين الأجانب من السوق المصري واللي هروبوا للاسواق المنافسة .طيب ازاي الحكومة حلت المعادلة الصعبة في توفير الدولار اللازم للاستيراد؟.من كام يوم الدكتور مصطفي مدبولي رئيس مجلس الوزراء طلع في مؤتمر صحفي وأعلن عن خبر سعيد للشعب المصري كله وهو أن مواردنا الدولارية من السوق المحلية في الوقت الحالي بقت بتغطي احتياجات الدولة للشهر الثالث على التوالي، ودي رسالة مهمة جدا ومطمئنة للشعب المصري.رئيس مجلس الوزراء كمل بشرته للمواطنين وقال أن الدولة المصرية مكملة في الفترة اللي جاية علشان مواردنا تغطي السوق المحلي وكمان يكون عندنا زيادة للتصدير، وده هيعمل استقرار كامل في السوق وهيكون الاقتصاد المصري اقل تاثر بالتغيرات الجيوسياسية والتوترات الاقتصادية المختلفة واللي بتمر باغلب دول العالم، وان الدولة مكملة إعادة هيكلة إجراءات الاستثمار في مصر بهدف تحقيق النتائج المستهدفة لجذب الاستثمار واستقرار السوق المحلية.
