كشفت الفنانة ملك أحمد زاهر عن تفاصيل حالتها الصحية بعد تعرضها لوعكة أدت إلى دخولها المستشفى.
نشرت “زاهر” عبر خاصية القصص القصيرة على حسابها الشخصي على موقع تبادل الصور والفيديوهات إنستجرام، وكتبت: “أنا والله ما كنت متوقعة كل اللي حاصل ده أنا لما حبيت اشارك حالتي الصحية كان عشان أنا كنت مخضوضة جدا على نفسي وفكرة إن لا أنا ولا الدكاترة حتى عارفين أنا عندي إيه كانت رعباني وكنت محتاجة بس اوصلكم إني حياتي فيها الحلو وفيها الوحش”.
نرشح لك: تصدرت الترند بحفل زفافها.. من هي منة عدلي القيعي؟
أضافت: “وقلت في الستوري إن الموضوع مش الغرض منه القلق وإني مش عايزة حد يقلق عليا أنا كويسة وكده كده أحسن من غيري وعندي يقين في ربنا إنه هيقومني بالسلامة وإن شاء الله تبقى حاجة بسيطة بس من خضتي كتبت مع إن دي مش طبيعتي إني اشارك الحاجات السلبية عموما أنا بس مش عارفة اقول إيه ولا إيه من قلبي بشكر كل حد سأل عليا ودعالي والله كله كان بيوصلني”.
تابعت: “وأنا آسفة لو مردتش على حد وبشكر كل زمايلي وأساتذتي اللي كانوا بيسألوا عليا كل يوم ومسابونيش لحظة وكل صحابي وعيلتي اللي كانوا جنبي أنا الحمد لله بقيت أحسن من الأول وبطلت اروح المستشفى الحمد لله بحمد ربنا إنها جت على قد كده حتة لو الأيام اللي فاتت كانت صعبة واللي عندي ده حاجة مخيفة شوية وخضتنا بس برضو أنا كويسة”.
اختتمت: “والحمد لله إنها جت على قد كده أكيد ربنا حماني من حاجة أكبر و أهم حاجة إن عرف السبب بطل العجب والحمد لله إننا عرفنا، هي حساسية شديدة في الدم بس انا متطمنة أنا بخف وبتحسن كل يوم الحمد لله والشكر الله ومفيش حاجة خطيرة بإذن الله وأنا آسفة لو كنت قلقتكم بس ده مكانش الغرض أبدا والله، شكرا من كل قلبي على الحب ده أنا عرفت غلاوتي عندكم وعند كل اللي حواليا بشكركم من قلبي”.
