خرجت جهاد، زوجة مطرب المهرجانات عصام صاصا بتصريحات مثيرة للجدل بعد رفض استئناف زوجها، وتأييد حكم حبسه 6 شهور في تهمة دهس أحد الأشخاص عن طريق الخطأ على الطريق الدائري وهو الحادث الذي أحدث ضجة كبيرة منذ فترة.

زوجة عصام صاصا تخرج عن صمتها بعد تأييد حكم حبسه

وقالت زوجة عصام صاصا في فيديو رصده موقع تحيا مصر عبر حسابها الرسمي بموقع تبادل الصور والفيديوهات انستجرام: طبعا انتو اكيد مستغربين إني ازاي خرجت من المحكمة على طول وبدون ما أعيط، بس انا وعدت عصام إني هبقى متماسكة، وعصام كان عارف أنه هيتمأن عليه يعني مش صدمة بالنسبة لينا.

وتابعت زوجة عصام صاصا: أما عمل الحادثة وقف مع إنه مكنش غلطان ده على الطريق الدائري يعني اللي جاي عليه هو اللي غلطان ووقفنا مع الناس وإدناهم مبلغ كبير والمتطوع خد فلوس وصاصا طلب الإسعاف ليهم واتكفل بكل حاجة، مع أنه ملهوش ذنب في حاجة.

زوجة عصام صاصا: مكنش شارب حاجة وقت الحادثة وده مثبوت في ورق التحقيقات

وأضافت زوجة عصام صاصا: ولما عمل الحادثة مكنش شارب كان في وعيه وده شهادة الظابط ومكنش معاه حاجة في العربية وكل ده مكتوب في ورق التحقيقات، عشان الناس اللي كانت بتقول أنه متعاطي، عصام كان معاه 3 غيره كلهم استنئنافهم اتقبل الا عصام.

وكانت نظرت محكمة جنايات الجيزة أولى جلسات نظر استئناف مطرب المهرجانات، عصام صاصا، على حكم حبسه 6 أشهر مع الشغل، في قضية اتهامه بتعاطي مواد مخدرة أثناء القيادة في الطالبية، لتقرر في النهاية تأييد الحكم السابق من محكمة جنايات الجيزة.

زوجة عصام صاصا تعود إلى نشاطها الفني

وكانت قد عادت زوجة عصام صاصا إلى نشاطها الفني بعد أزمة زوجها الكبيرة، حيث خرجت وأوضحت ذلك للجمهور، قائلة: أنا هشيل مسؤولية البيت مكان عصام هو كان شايل مسؤولية البيت عندنا ومسؤولية بيت محمد اخوه وبيت مامته انا هرجع شغلي تاني في الميديا لأني معرفش شغل تاني غيره وربنا يقدرني وأبقى قد مسؤولية ابنه ومسؤولية بيت اخوه، مش محتاجة حاجة غير دعمكم ودعائكم عشان اقدر اكمل انا مش ضعيفة بس بعد عصام مش سهل عليا والأيام هتعدي بإذن الله.