وجهت الممثلة اللبنانية جيسي عبدو نداءً إنسانياً لمساعدة النازحين اللبنانيين جراء الحرب الدائرة في لبنان.

وقالت جيسي خلال مقطع فيديو: "بيقول الإنجيل المقدس "يجب أن نهتم بعضنا ببعض ونحمس بعضنا البعض على فعل الخير والمحبة"، وبيقول القرآن الكريم "وما تقدم لأنفسكم من خير تجدوه عند الله إن الله بما تعملون بصير".
بليز خلينا كلنا نساعد ونتوجه فوراً على أقرب مدرسة على أقرب كنيسة على أقرب جامع على أقرب مركز إيواء للنزوح، الناس اللي نزحت هودي أهلنا وناسنا وعزتنا لازم هلق نكون حدن بهالمرحلة الصعبة بعرف إنو الوضع الإقتصادي كتير صعب، بس المبادرة قد ما كانت صغيرة بتقدر تعمل فرق، صدقوني الكلمة الحلوة بس بهيدا الوقت بتعمل فرق هلق مش وقت شي لا خلافات ولا تصفية حسابات هلق وقت الإنسانية فقط لا غير ما حدا بأمان وما حدا منا في براسه خيمة قوتنا هي وحدتنا في الوقت الصعب، خلينا كلنا نوقف حد بعض إيد بإيد وبقوة الله وبقوة كل لبناني بتمرق هالمرحلة الصعبة، كل حدا قادر يساعد بليز ما يقصر".