أعلن حودة شيبة ابن الفنان المصري الشعبي أحمد شيبة ان العائلة قررت اتخاذ خطوات قانونية ضد بلوغر شهير بسبب تصوير والده في الطائرة من دون علمه خلال نومه.

وعبر حسابه الخاص على أحد مواقع التواصل الاجتماعي قال حودة : “فيه حد المفروض أنه مشهور ومراته برضة مشهورة كانوا رايحين قطر وأنا والدي كان رايح عشان عنده حفلة هناك وكان نايم في الطيارة من التعب عشان كان عنده شغل كتير في القاهرة.. الشاب اللي صور الصورة دي خفة دمه معدية كل الحدود”.

وتابع: “أنت نزلت الصورة عندك على السوشيال ميديا والموضوع أنت ممكن تكون شايفة مضحك بس هو متشافش مضحك هو فيه محامي رفع عليك قضية أنت وزوجتك لأنك تعديت على الخصوصية ومش جدعنة ولا رجولة.. المحامين اللي شغالين معانا في المكتب خدوا الموضوع بجدية إزاي شخصية عامة يتصور وهو نايم”.