حرص مدير التصوير محمود شاهين الرد على موجة الانتقادات التي تعرض لها بسبب حفل زفافه، وذلك من خلال لقاء له بمنصة blinx.

رد محمود شاهين على انتقادات فرحه

وقال محمود شاهين في تصريحاته التي يرصدها موقع تحيا مصر: أنا اللي قاعدين بينتقدوني ميعرفوش أي حاجه عني، ولا يعرفوا أنا مريت بإيه وميعرفوش حياتي عامله إزاي، ولا يعرفوا علاقتي بربنا إيه الشخص اللي كفرني، كل ما في الموضوع فرحي كان تريند شكرا لكن شوية وهيموت.

وتابع محمود شاهين: معنديش رد على كل الانتقادات دي غير إني واحد انبسط الحمد لله بفرحى جدًا، ومبسوط أوى أننا حققت الحلم اللي أنا كنت عايزة واتجوزت الإنسانة اللي كنت بحبها.

محمود شاهين وإلهام صفي الدين

وعن تصرفات ابنة خالته إلهام صفي الدين في حفل زفافه، قال محمود شاهين: أنا بالنسبة لإلهام أخوها وصاحبها وبتجوز دي فرحة رهيبة لأن الكل كان بيعيط، الناس ركزت بس بأنها بتهتم بيا ودي بنتي وأختى وصحبتي وإحنا عيلة، فهل في بين الأخوات أي حاجة الناس دي بتفكر إزاي.

تعليق أمير شاهين على الهجوم على زفاف ابن شقيقه

وسبق وأن رد الفنان أمير شاهين للمرة الأولى على الهجوم الواسع الذي تعرض له حفل زفاف ابن شقيقه مدير التصوير محمود شاهين، حيث تداول رواد مواقع التواصل الاجتماعي المختلفة مقاطع فيديو من حفل الزفاف وشنوا حملة هجوم كبيرة على آل شاهين والفنانين الحاضرين في حفل الزفاف بسبب عدم تناسبه مع عاداتنا وتقاليدنا الشرقية، وقال أمير شاهين في تصريحات يرصدها موقع تحيا مصر: “الناس أما بتبقى فرحانة بحد بتحضنه وتبوسه وكلها قبلات مشروعة مش حاجة وحشة.. وفي الآخر هما شباب صغيرين معندهمش الخبرة الكافية ازاي ينبسطوا، ومحمود وإلهام اخوات وقريبين جدًا لبعض هي كانت متأثرة إنه بيتجوز ودي دموع الفرحة لكن مفيش علاقة بينهم ولا حاجة.

وكان قد تصدر حفل زفاف مدير التصوير محمود شاهين قوائم الأكثر تداولًا وبحثًا عبر محركات البحث الشهيرة منذ عدة أسابيع وذلك لأنه تعرض لموجة كبيرة من الانتقادات.